انـا لم اكتب ولكن قلمي من نزف** يمه**

يمه ..
تكفين اسمعيني ...
يمه بسألك شي ..
جاوبيني ..
هو صحيح اللي مات
داخل القبر يصير حي ...؟؟؟


يمه ...
أسمع أنا صوتك ..
كل يوم اسمعه ..
واذا حاكيتك هاوشوني ..
قالوا انسي ..
روحي يالله العبي .... !!
يمه تعالي ارجعي ...
والله خلاص بسمع كلامك ..
ما اخرب العابي ..
وان قلتي يالله ..
روحي نامي ..
أروح حتى ماتزعلي ..


يمه
تكفين ارجعي ..
اليوم حطت لي المديره ..
نجمه من فوق جبهتي ..
يمه سمعتها تقول..
مسكينه هالبنت صارت يتيمه ..
قالت لها ابله منيره ..
مسكينه توها صغيره ..
وش كانوا يقصدون ..؟
يمكن عشاني صرت عاقله ..
ولا عشاني دايم اسرح

يمه

مريولي توسخ ..
ماكان قصدي اوسخه ...
بس تذكرت انك تقولي ..
بعد شهرين..
بشتري لك لبس ثاني ..
يمه تعالي اشتري ...
يمه عرفتي مها ..؟
صديقتي اللي معي ..
زاعلتني ..
تقول ماصرت انا اضحّكها
راحت تدور غيري
عشان تلقى احد يونسها

يمه
يالله خلاص لاتمزحي
يالله قومي
تعالي معي للبيت ارجعي


يمه يمممه
نسيت شي ..
بقولك ترى بيتنا صار فاضي ..
ماحد يجينا ..
وكل اللي فيه انا واخواني ..
ليه وين اقاربنا ..؟؟
وين خالتي ..
اللي كانت تجينا ...

يمممه

قوومي يالله تعالي ..
تكفين يالله تعالي ..
ماودي ارجع لحالي
والله خايفه ..
ترى امس جيتك ..
مارديتي ..
حسبتك نايمه ..
أو اقولك ..
خلاص خلاص ..
انا بجيك بكرى ..
اذا راحوا من هنا الناس ..
تكفين يمه بكرى اصحي ..
تكفين يمه بكرى ارجعي ..


اعتذر من الجميع ولاكن قلمي هو من نزف الحروف اللهم ارحم امهتنا الاموات ويحفظ لنا امهتنا

الذين مازالو على قيد الحياه كل شي يتعوض الا الام دمتم ودامت اقلامكم

الف شكر لك غاليتي


موضوع في قمة الاهميه


اللهـّ يحفظ امهاتنا يااااااااااااااااااااااااااااااااااارب

الله يحفظهم
ويدخلهم الجنه يارب
بس الحمدلله
اني ماعندي ول ام ماتت
ول جربت شعور اهل الميت
تحياتي

الله يحفظهــم ويخليهم لناا

الله يعطيج العااافيه ع الطرح

تحيااااتي

يسلـــــــــــمــو على المرور

يسلموووو ع الطرح المميز

الله يعطيك العافيه

تحياتـي ...