خساره من هويته باع حبي بأرخـص الأثمـان
هجرني وابتعـد عنـي وكثـر لـي معاذيـره
ثلاث اسنين روحي صابره ع الصد والهجـران
عطى قلبه لغيري وانا روحي مـا تبـي غيـره
وسيرتنا طواها وأصبحت فـي عالـم النسيـان
ياليتـه يذكـر الماضـي ويشملنـي بتفكيـره
أنا الجاني على نفسي وانا النادم وانا الخسران
عطيت الحب شخصا ماعرف حجمـه وتقديـره
وانا العاشق وانا المغرم وانا التائه وانا الولهان
وانا من جور خلـي ذقـت تعذيبـه وتعزيـره
يقولون العذول انسـاه وامسـح دمعةالاحـزان
بنيه مـا تقيـم الـود لا تذكـر لهـا سيـره
وقلت لهم حبيبي منزلـه فالـروح والوجـدان
من الصعب آتخلى عن ضياء قلبـي وتنويـره
احبه حـب لا يعلـم بـه إلا الواحـد الديـان
وفوق الحب انـا راضـي بتعذيبـه وتهجيـره
حبيبي لا تبسم صابنـي منـه العـذاب الـوان
واذا سلهـم بعينـه صابنـي بالهـم والحيـره
فتني حمـرة اخـدوده وعينـه رمشهـا فتـان
خلقها الله فتنـه واحسـن الخـلاق تصويـره
عسى الأيام قبل الموت تجمـع بيننـا الاثنـان
عسى برق الآماني والأمـل تصـدق تباشيـره
واضمه واحضنه واعطيه كل الـود والتحنـان
وغيب صورته فالقلـب إذا زادت بـي الغيـره
واقبل مبسه بالحيـل واروي قلبـي العطشـان
وسامـح زلتـه وانسـى مغابينـه وتقصيـره
الأحد مايو 11, 2008 11:14 am
